Bərdədə 1995-ci il təvəllüdlü həyat yoldaşı Xasa Orucovanı yaşadığı evdə qətlə yetirən 1996-cı il təvəllüdlü Təbriz Orucova hökm oxunub. Bu barədə oktyabrın 26-da Qafqazinfo xəbər yayıb.
Hökmə əsasən, T.Orucov 12 il müddətinə azadlıqdan məhrum edilib.
Hadisə Hacallı kəndində bu il mayın 25-də qeydə alınıb.
Məhkəmədə Təbriz Orucov bildirib ki, Xasa Orucova ilə 2016-cı ildə ailə həyatı qurub. Onların bu evlilikdən iki övladı dünyaya gəlib.
Onun sözlərinə görə, hadisənin baş verdiyi gün arvadı ilə arasında yaranan mübahisə səhər yeməyi üstündə olub. Belə ki, Təbriz çöldən evə gələrkən arvadının hələ də səhər yeməyini hazırlamadığını görüb. Bu zaman o, əsəbiləşərək həyat yoldaşının ata və anasını söyüb. Nəticədə mübahisə qızışıb. Təbrizin sözlərinə görə, mübahisə zamanı Xasa onun vəfat edən anasını söyüb. Nəticədə o, özündən çıxıb və tüfəngi götürərək arvadına atəş açıb.
Atəş səsinə övladları otağa daxil olub. O, böyük oğluna atasının anasını öldürdüyünü heç kimə deməməsini tapşırıb və heç nə olmamış kimi, heyvanlara ot verməyə gedib. Bu zaman Təbrizin böyük oğlu qonşuluqda yaşayan qadına xəbər verib.
