Şahbuz rayonunun Kolanı kəndində rabitə xətt təsərrüfatında yenilənmə işləri aparılır. Bu barədə İnsanoid Naxçıvan Muxtar Respublikası Rabitə və Yeni Texnologiyalar Nazirliyinə istinadən bu gün, 18 may tarixində xəbər verir.
Aparılan abadlıq və quruculuq işləri çərçivəsində əhalinin müasir rabitə xidmətləri ilə əhatə olunması istiqamətində işlər davam etdirilir.
Quruculuq işləri çərçivəsində rabitə xətt təsərrüfatında təmir işləri aparılıb. Bu məqsədlə 22 ədəd dəmir rabitə dirəyi basdırılıb, 800 metr fiber-optik xətt və 2 700 metrdən artıq kabel çəkilib, o cümlədən 1 ədəd paylayıcı şkaf və 30 ədəd yeni abonent qutusu quraşdırılıb.
Keçili kəndində də aparılan genişmiqyaslı abadlıq-quruculuq tədbirləri çərçivəsində rabitə xətlərinin texniki normalara uyğunlaşdırılması məqsədilə 4 ədəd dəmir dirək basdırılıb, 150 metrə yaxın fiber-optik kabellər çəkilib, 120 metr müxtəliftutumlu kabellərdən istifadə edilib.
Şahbuz rayonunun yaşayış məntəqələrində rabitə infrastrukturunun müasirləşdirilməsi istiqamətində reallaşdırılan tədbirlər rabitə və internet xidmətlərinin tam kəsintisiz həyata keçirilməsinə şərait yaradacaq.
[caption id="attachment_116272" align="alignnone" width="696"]
Foto Naxçıvan Muxtar Respublikası Rabitə və Yeni Texnologiyalar Nazirliyinin rəsmi Facebook səhifəsi[/caption]
