Dövlət Gömrük Komitəsinin sədri Şahin Bağırov Şirvan şəhərində Şirvan şəhəri və Hacıqabul rayonundan olan vətəndaşları qəbul edəcək. Bu barədə 17 noyabr tarixində Komitə məlumat verib.
Vətəndaşların qəbulu noyabrın 22-də saat 10:00-da Şirvan şəhər Gənclər Evində (ünvan: Şirvan şəhəri, Naxçıvan küçəsi, 1 B) baş tutacaq. Qəbul zamanı Şirvan şəhəri və Hacıqabul rayon sakinlərinin gömrük məsələləri ilə bağlı müraciətləri dinləniləcək.
Qəbulda iştirak etmək istəyən vətəndaşlar “195” Çağrı Mərkəzi ilə əlaqə saxlayaraq və ya Komitənin rəsmi internet səhifəsinin “Müraciətlər” və “Virtual qəbul” bölmələrindən daxil olmaqla yazıla bilərlər.
