Yunanıstanın Rodos şəhərində 17 yaşadək məktəblilər arasında şahmat üzrə dünya çempionatı keçirilib. Bu barədə Qafqazinfo.az 25 aprel tarixində xəbər verib.
Başa çatan yarışda Azərbaycan təmsilçisi Süleyman Süleymanlı uğurlu çıxış edib.
Həmyerlimiz yarışda 7 xal toplayaraq gümüş mükafata yiyələnib. O, dünya çempionu olan türkiyəli Adar Tarhandan cəmi yarım xal az toplayıb. Üçüncü sırada isə 6,5 xalla Andrey Filip (Rumıniya) qərarlaşıb.
Dünya çempionatında 51 ölkənin şahmatçısı mübarizə aparıb.
