Şəkidə narkotik bitkiləri yetişdirən şəxs tutulub. Bu barədə İnsanoid DİN-ə istinadən bu gün, 27 iyun tarixində xəbər verir.
Şəki polisi narkotik tərkibli bitkilərin kultivasiyası ilə məşğul olan Taleh Əlimovu saxlayıb.
Aşağı Layısqı kəndində onun yaşadığı evin həyətyanı sahəsindən kultivasiya yolu ilə yetişdirilən, çəkisi 20 kiloqram olan 44 ədəd çətənə kolu aşkarlanıb. T.Əlimov narkotik tərkibli bitkiləri aprel ayında qazanc əldə etmək məqsədilə əkdiyini və xüsusi qulluq göstərdiyini bildirib. Saxlanılan şəxs çətənə kollarının kənardan görünməməsi üçün ətrafında bostan bitkiləri də becərib.
Faktla bağlı Şəki Şəhər Rayon Polis Şöbəsində cinayət işi başlanılıb, məhkəmənin qərarı ilə T.Əlimov barəsində həbs qətimkan tədbiri seçilib.
