Şəkidə həbsdə olan şəxs vəfat edib. Bu barədə 4 noyabr tarixində Report məlumat verib.
Belə ki, Şəki Penitensiar Müəssisəsinin Ümumi Ağır Rejimli Korpusunda saxlanılan Balakən rayon sakini, 1976-cı il təvəllüdlü Qardaşov Rəşad Rafiq oğlu noyabrın 3-də səhhətinin pisləşməsi ilə əlaqədar müəssisənin Tibb Hissəsinə müraciət edib.
O, həkim otağında olarkən qəflətən vəfat edib.
Kamera yoldaşlarının sözlərinə görə, mərhum son vaxtlar ürək nahiyəsində olan ağrılardan şikayət edirmiş.
Faktla bağlı araşdırma aparılır.
Qeyd olunub ki, R.Qardaşov 2020-ci ilin mayın 6-dan həbsdə olub. O, qanunsuz olaraq külli miqdarda narkotik saxlamada təqsirli bilinərək azadlıqdan məhrum edilmişdi.
