Şəkidə fəaliyyət göstərən şirniyyat sexində nöqsanlar aşkarlanıb. Bu barədə İnsanoid Azərbaycan Qida Təhlükəsizliyi Agentliyinə istinadən bu gün, 29 may tarixində xəbər verir.
M.Hacıyev küçəsi, ev 9 ünvanında yerləşən obyektdə texniki normativ hüquqi aktların, sanitariya norma və qaydalarının bir sıra tələblərinin pozulduğu məlum olub.
Müəssisənin antisanitar vəziyyətdə fəaliyyət göstərdiyi, istehsalda istifadə olunan xammal və inqrediyentlərin çirklənmədən mühafizə ediləcək şəraitdə saxlanılmadığı, temperatur rejiminə əməl olunmadığı, havalandırma sisteminin quraşdırılmadığı, işçilərin ilkin və dövri tibbi müayinədən keçirilmədiyi və xüsusi geyimlə təmin olunmadığı, mütəmadi təmizlik işlərinin aparılmadığı və digər nöqsanlar müəyyən olunub.
Məhsullardan və mətbəxdə istifadə olunan ləvazimatlardan yaxma nümunələri götürülərək laboratoriyaya göndərilib. Araşdırmalar davam etdirilir.
Faktla bağlı inzibati protokol tərtib olunub, şirniyyat sexinin fəaliyyəti məhdudlaşdırılıb.
