Şəkidə tarixi abidədə aparılan bərpa-quruculuq işləri zamanı körpə skeletləri aşkar edilib. Bu haqda noyabrın 5-də Qafqazinfo xəbər verib.
Belə ki, Şəki şəhəri Yuxarıbaş Milli Tarix Memarlıq Qoruğu ərazisində yerləşən və hazırda şəbəkə sexi kimi fəaliyyət göstərən tarixi tikilidə skeletlər üzə çıxıb.
Skeletlər tarixi binanın içindəki beton döşəmə təmir edilərkən 80 – 120 santimetr dərinlikdə aşkar edilib. İlkin baxış zamanı skeletlərin körpələrə aid olması və uzun illər əvvəl oraya qoyulması müəyyən edilib.
Faktla bağlı Şəki Rayon Prokurorluğunda araşdırma aparılır.
