Salyanda ölümlə nəticələnən yol qəzası baş verib. Bu barədə 6 avqust tarixində “Qafqazinfo” xəbər verib.
Şairə Cığatel İsaqızının nəvəsi vəfat edib. Bu haqda şairə Nazilə Səfərli İnstaqram hesabında məlumat yayıb:
“Cığatel İsaqızının oğlu ailəsi ilə Salyan istiqamətində istirahatə gedərkən maşının təkərində nasazlıq yaranıb. Təkəri dəyişmək məqsədilə maşını yolun kənarına çəkiblər. Həmin an hərəkətdə olan digər avtomobil bu maşına çarpılıb. Ciğatelin oğul nəvəsi həlak olub. Oğlunun isə ayaqları sınıb”.
Belə ki, “Nissan” və “Opel” markalı minik avtomobillərinin toqquşması nəticəsində sürücü - Ağstafa sakini, 1987-ci il təvəllüdlü Qasımov Ayaz Camal oğlu ağır xəsarət alaraq komatoz vəziyyətdə Şirvan Şəhər Mərkəzi Xəstəxanasına yerləşdirilib. Sürücünün oğlu, 2014-cü il təvəllüdlü Qasımov Süleyman Ayaz oğlu hadisə yerində ölüb. Azyaşlı qızı Cığatel də xəsarət alıb.
