Şamaxıda turistləri daşıyan avtobusun qəzaya düşməsi nəticəsində xəsarət alanların kimliyi məlum olub. Bu barədə 8 avqust tarixində Report xəbər verib.
Qəza zamanı yaralananlar Bakı sakinləri - 50 yaşlı Gülayə Əmirova və 15 yaşlı Sürəyya Rəhmanovadır.
Onlar Şamaxı Rayon Mərkəzi Xəstəxanasına yerləşdiriliblər.
Bu gün saat 12 radələrində Muğanlı-İsmayıllı-Qəbələ avtomobil yolunda hərəkətdə olan avtobusun sürücüsünün idarəetməni itirməsi nəticəsində avtobus yolun kənarındakı torpaq əraziyə daxil olub.
Avtobusun aşması barədə yazılanlar isə həqiqəti əks etdirmir.
13:33
***
Şamaxıda turistləri daşıyan sərnişin avtobusu qəzaya uğrayıb. Bu barədə 8 avqust tarixində Report məlumat verib.
Hadisə bu gün saat 12:00 radələrində Muğanlı-İsmayıllı yolunun 6-cı kilometrliyində, Muğanlı dolayları adlanan ərazidə qeydə alınıb.
Tur çərçivəsində Bakı-Şəki-Qəbələ-Oğuz marşrutu üzrə hərəkət edən 77-CV-760 dövlət nömrə nişanlı "Daewoo" markalı sərnişin avtobusu yoldan çıxaraq ağaca çarpılıb.
İlkin məlumata əsasən, qəza zamanı iki nəfər xəsarət alıb.
Yaralılar Şamaxı Rayon Mərkəzi Xəstəxanasına çatdırılıblar.
Faktla bağlı araşdırma aparılır.
[gallery link="file" columns="5" size="full" ids="124880,124883,124881,124882,124879"]
