Şamaxıda yol qəzası baş verib. Bu barədə 2 noyabr tarixində Report məlumat verib.
Hadisə şəhərin Seyid Əzim Şirvani prospektində qeydə alınıb.
Belə ki, hərəkətdə olan "VAZ-2107" markalı iki avtomobil toqquşub. Nəticədə avtomobillərdən birinin sürücüsü 59 yaşlı Babasən Sahabcan oğlu Cəbrayılov, onun 7 yaşlı oğlu Sahabcan Cəbrayılov və 9 yaşlı oğlu İbrahim Cəbrayılov müxtəlif dərəcəli bədən xəsarətləri alıblar.
Yaralılar xəstəxanaya yerləşdiriliblər.
Faktla bağlı araşdırma aparılır.
