Şamaxı rayonunda noyabrın 7-də güclü qar yağıb. Bu barədə APA xəbər yayıb.
Belə ki, gecə saatlarından davam edən leysan sulu qar daha sonra qarla əvəzlənib. Yağıntı ən çox rayonun dağlıq ərazilərinə düşüb.
Pirbəhli, Qızmeydan, Dəmirçi, Zarat, Ərçiman, Pirqulu, Keçməddin dağ kəndlərində qarın qalınlığı 10-20 sm təşkil edib. Nəticədə meyvə ağaclarını don vurub.
Qeyd edilib ki, qeyri-sabit hava şəraitinə baxmayaraq, Şamaxı-Pirqulu, Şamaxı-İsmayıllı, Şamaxı-Ağsu və Şamaxı-Bakı yolu işlək vəziyyətdədir.
