Şəmkirdə baş vermiş qəza nəticəsində dünyasını dəyişənlərdən biri hərbçi olub. Bu barədə 2 avqust tarixində Report məlumat verib.
"VAZ-2106" və "Mercedes" markalı avtomobillərin toqquşması ilə baş vermiş qəzada ölən "Mercedes" markalı avtomobilin sürücüsü, Tovuz rayon Xatınlı kənd sakini, 28 yaşlı Ceyhun Ağarzayev hərbçi olub.
Səhər saatlarında baş vermiş qəzada "VAZ" markalı avtomobildə də bir nəfər həyatını itirib, daha bir nəfər isə ağır bədən xəsarəti alaraq xəstəxanaya yerləşdirilib.
***
12:54
Şəmkirdə ölümlə nəticələnən yol-nəqliyyat hadisəsi baş verib. Bu barədə 2 avqust tarixində Report xəbər verib.
Qəza Bakı-Qazax magistralının Şəmkir rayonu ərazisindən keçən hissəsində qeydə alınıb.
İki avtomobilin toqquşması nəticəsində iki nəfər həyatını itirib.
"Mercedes" markalı avtomobilin sürücüsü hadisə yerində ölüb. Digər avtomobilin sərnişinləri - Tovuz rayon sakinləri, 62 yaşlı Fəxrəddin Bədirov və onun həyat yoldaşı, 58 yaşlı Cəmilə Bədirova olublar. C. Bədirovanın həyatını xilas etmək mümkün olmayıb.
Faktla bağlı araşdırma aparılır.
