Şəmkirdə 55 yaşlı Natiq Abbasov, onun həyat yoldaşı, 51 yaşlı Sevda Abbasova və nəvələri, 9 yaşlı Xədicə Abbasova bıçaqlanıblar. Bu haqda məlumatı İnsanoid bu gün, 25 fevral tarixində Apa.az-a istinadən verir.
Hadisə Şəmkir şəhərinin Habil Əliyev küçəsində qeydə alınıb. Ailənin yaxın qohumu olan Afaq Əsgərova bildirib ki, onların heç kəslə hər hansı ədavəti olmayıb.
Natiq Abbasov daxilə keçmiş, Sevda Abbasova qulağının kəsilmiş-deşilmiş və nəvələri Xədicə Abbasova sifət nahiyəsindən bıçaq xəsarətləri alıblar. Yaralıların müalicəsi Şəmkir rayon mərkəzi xəstəxanasında davam etdirilir. Onlardan Natiq Abbasovun vəziyyətinin kafi olduğu bildirilir.
Araşdırma zamanı məlum olub ki, cinayəti ailənin qonşusu, 33 yaşlı Fuad Məmmədov törədib. DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov bildirib ki, artıq hadisəni törədən şəxs Şəmkir rayon Polis Şöbəsinin əməkdaşları tərəfindən saxlanılıb. Onun sözlərinə görə, hadisəni törətməkdə şübhəli bilinən qonşu dəfələrlə ruhi-əsəb dispanserində müalicə almış, 1990-cı il təvəllüdlü Fuad Məmmədovdur.
Qeyd edək ki, yaxınlarının bildirdiyinə görə, hadisəni törədən Fuad Məmmədov yaxın günlərdə yenidən müalicə almaq üçün ruhi-əsəb xəstəxanasına gedəcəkmiş.
Faktla bağlı araşdırmalar davam etdirilir.
