Azərbaycana narkotik keçirmək istəyən şəxs saxlanılıb. Bu haqda 15 aprel tarixində Dövlət Sərhəd Xidməti məlumat yayıb.
Belə ki, aprelin 13-ü Astara şəhərində bir avtomobilin əraziyə yaxınlaşması və içərisindən bir nəfərin düşməsi sərhəd naryadının diqqətini cəlb edib. O, sahibsiz yarımtikilidən 1 ədəd bağlama götürüb.
Hadisə yerindən uzaqlaşmağa cəhd edən şəxs qurumun əməkdaşları tərəfindən saxlanılıb. Onun 1967-ci il təvəllüdlü Ağdam rayon sakini olduğu məlum olub. Həmin şəxsin əlindəki bağlamadan 1770 qram heroin və 115 qram marixuana aşkarlanaraq götürülüb.
Fakt üzrə istintaq tədbirləri davam etdirilir.
