Şərur Rayon Təhsil Şöbəsinə yeni müdir təyin olunub. Bu barədə Report 22 iyul tarixində xəbər verib.
Naxçıvan Muxtar Respublikasının təhsil naziri Rəhman Məmmədovun imzaladığı əmrə əsasən, Əli Mehdiyev Şərur rayon Təhsil Şöbəsinin müdiri vəzifəsinə gətirilib.
Yeni müdiri kollektivə R.Məmmədov və Şərur Rayon İcra Hakimiyyəti başçısının birinci müavini İmran Əliyev təqdim edib.
Ə.Mehdiyev 27 il pedaqoji staja malikdir, əvvəllər Şərur şəhər 1 nömrəli məktəbin təlim-tərbiyə işləri üzrə direktor müavini və direktoru işləyib.
Şərur rayon Təhsil Şöbəsinin bundan əvvəlki müdiri Malik İsmayılov isə Naxçıvan Muxtar Respublikası Ekologiya və Təbii Sərvətlər Nazirliyinə aparat rəhbəri təyin olunub.
