Şərurda yeni Vəkil Bürosu fəaliyyətə başlayıb. Bu barədə İnsanoid Naxçıvan Vəkillər Kollegiyasına istinadən bu gün, 11 iyul tarixində xəbər verir.
Naxçıvan Muxtar Respublikası Vəkillər Kollegiyasının Şərur rayon Bürosunun rəsmi açılış mərasimi olub.
Mərasimdə Azərbaycan Vəkillər Kollegiyasının sədri Anar Bağırov, Naxçıvan Muxtar Respublikası Vəkillər Kollegiyasının sədri Vüsal Həsənov, vəkillər və hüquqşünaslar iştirak ediblər.
Vəkil Bürosunun rəsmi açılış lentini Anar Bağırov kəsib və uğurlar arzulayıb.
Tədbir iştirakçıları büroda yaradılan şəraitlə tanış olublar.
Ümumi sahəsi 143 kvadratmetr olan büroda iki vəkil otağı, vəkil bürosu müdiri üçün bir otaq və bir gözləmə zalı var. Büroda səmərəli iş fəaliyyəti və vətəndaşların keyfiyyətli hüquqi yardım almasını təmin etmək üçün bütün lazimi şərait yaradılıb.
Sonda tədbir iştirakçıları xatirə fotosu çəkdiriblər.
