Şirvanda Mənzil İnşaatı Dövlət Agentliyi (MİDA) tərəfindən 25 sosial bina tikiləcək. Bu barədə 16 avqust tarixində APA məlumat verib.
MİDA-nın növbəti layihəsi - Şirvan Yaşayış Kompleksi Şirvan şəhərinin Naxçıvan küçəsində yerləşir.
Ümumi sahəsi 8,11 hektar olan yaşayış kompleksi 14 doqquzmərtəbəli və 11 onikimərtəbəli olmaqla 25 binadan ibarət olacaq.
Bu binalarda ümumilikdə 1264 mənzil olacaq.
Bütün mənzillər tam təmirli və mətbəx mebeli ilə təchiz olunmuş vəziyyətdə vətəndaşlara təklif olunacaq.
Yaşayış binaları ilə yanaşı, ərazidə sosial-məişət obyektlərinin, uşaq oyun meydançalarının, 80 yerlik olmaqla 1 uşaq bağçasının və 960 şagird yerlik ümumtəhsil məktəbinin istifadəyə verilməsi nəzərdə tutulub.
