Şirvanda yanvarın 26-da iki nəfər dəm qazından boğularaq ölüb. Bu barədə 27 yanvar tarixində Report məlumat verib.
Hadisənin biri şəhərin Hacıqəhrəmanlı qəsəbəsində qeydə alınıb. Belə ki, 1966-cı il təvəllüdlü Çingiz Əsədov yaşadığı fərdi evin həyətində yerləşən hamam otağında dəm qazından zəhərlənərək ölüb.
Digər hadisə Şirvan şəhərinin M.Əsədov küçəsi, 96 ünvanında qeydə alınıb. 1954-cü il təvəllüdlü şəhər sakini Şölə Abıyeva yuyunmaq üçün yaşadığı fərdi yaşayış evinin hamam otağına daxil olmuş, bir müddət keçdikdən sonra hamam otağının daxilində olan suqızdırıcıdan dəm qazının sızması nəticəsində zəhərlənərək ölmüşdür.
Faktlarla bağlı Şirvan Şəhər Prokurorluğunda araşdırma aparılır.
