Şirvan şəhərinin T.İsmayılov küçəsi, 25 ünvanında yerləşən 5 bloklu, beşmərtəbəli yaşayış binasının fasad hissəsinin yanar materialdan olan lambirindən istifadə olunaraq üzlənməsi faktı aşkar edilib.
Bu barədə 19 avqust tarixində Fövqəladə Hallar Nazirliyi məlumat verib.
Yaşayış binasının sakinlərinin yanğın təhlükəsizliyinin təmin edilməsi məqsədilə yanar material olan lambirin üzlüklərin sökülməsi üçün Şirvan Şəhər İcra Hakimiyyəti qarşısında məsələ qaldırılıb.
Sözügedən yaşayış binasının fasadındakı lambirin üzlüyün sökülməsi təmin olunub.
