Biz bu təşəbbüsü işıqlandırdığımız zaman dəstək olanlarla yanaşı, neytral qalanlar bir yana, petisiyanın yayılmasının qarşısını alaraq neqativ fikirlər söyləyənlər də oldu.
Bəzi şəxslər bildirdi ki, bu atılan addımlarla nə isə əldə etmək mümkün olmayacaq. İzləyicilərimizə imzaların sayı artdıqca hansı dəyişikliklərin baş verə biləcəyi haqda danışmaq istərdik:
Bəzi şəxslər petisiyanın istifadəçinin şəxsi məlumatlarının əldə edilməsi məqsədilə keçirildiyi fikrini bildirirlər. Qeyd etmək istərdik ki, Avropa Birliyinin Ümumi Məlumatların Qorunması Qaydasına (GDPR) əsasən, vətəndaşların şəxsi toxunulmazlıq hüququnu təmin etmək üçün 1995-ci ildə Fərdi Məlumatların Mühafizəsi Direktivində təsbit edilmiş prinsiplər düzəliş edilərək təkmilləşdirilib. Hər hansısa məlumatların ötürülməsi halı baş verdikdə GDPR qaydalarına əsasən, saytlarda monitorinqlər keçirilir.
Hazırda 45.000-dən çox Vətən keşikçisi səs verərək öz dəstəyini nümayiş etdirib. Azərbaycanın Rafael Ağayev, Tural Məmmədli, Saleh Nəsirov, Murad Arif kimi tanınmış simaları öz dəstəklərini əsirgəməyiblər. Biz əminik ki, Vətənini Fransa Senatının ittihamlarına qarşı çıxaraq müdafiə edən vətəndaşların sayı yaxın günlərdə daha da çoxalacaq.
Üzümüzü tuturuq əl-qolunu sallayıb heç bir dəstək göstərməyən, üstəlik petisiyanın imzalanmasının “onsuz da heç nə olan deyil!”, “indiyədək heç bir petisiya kömək olmayıb!” kimi ifadələrlə qarşısını alan şəxslərə:
“Əziz səssiz qalan şəxslər, Vətən və xalqınız üçün 10-ca saniyənizi ayırıb petisiyada iştirak etmirsinizsə, sizdən heç olmasa, neytral qalmağınızı xahiş edirik. Kiminsə əziyyət çəkib ərsəyə gətirdiyi əməyi söylədiyiniz fikirlərlə dəyərsizləşdirirsiniz. Çünki sizin bilib-bilməyərək söylədiyiniz fikirlər digər məlumatı olmayan şəxslərdə neqativ düşüncə yarada bilər. Gəlin əziyyət çəkən, qarşılarına qoyduqları məqsədə çatmaq istəyən şəxslərin işlərinə mane olmayaq!”
© Hörmətlə: İnsanoid kollektivi!
Petisiyanın azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Bu petisiya qəlbində əks-səda yaradan kəslərə fransız dilini bilmədən asanlıqla və tez bir zamanda ona dəstək olmaq üçün necə səs vermək barədə addım-addım təlimatlar hazırlamışıq.
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
View this post on Instagram
