Azərbaycan Respublikası Dövlət Neft Şirkətinin (SOCAR) beş vitse-prezidenti vəzifəsindən azad edilib.
Bu barədə Prezident İlham Əliyev sərəncamlar imzalayıb.
Sərəncamlara əsasən, Yaşar Aydın oğlu Lətifov, Süleyman Mehrəli oğlu Qasımov, Daşqın Ələm oğlu İskəndərov, Bədəl Şamil oğlu Bədəlov və Xalik Rəfi oğlu Məmmədov Dövlət Neft Şirkətinin vitse-prezidenti vəzifəsindən azad ediliblər.
Sərəncamlar imzalandığı gündən qüvvəyə minir.
Dövlət başçısının digər sərəncamları ilə Arzu Sahib qızı Cavadova, İsmayıl Fikrət oğlu Zərgərli, Ziba Tacəddin qızı Mustafayeva, Babək Elbəniz oğlu Hüseynov, Əfqan Elçin oğlu İsayev, Anar Fərruh oğlu Məmmədov və Fuad Bəkir oğlu Musayev Azərbaycan Respublikası Dövlət Neft Şirkətinin vitse-prezidentləri təyin olunublar.
