Son üç gündə meşə fondu torpaqlarında 60 mindən çox ağac əkilib. Bu barədə Report məlumat yayıb.
Meşəbərpa tədbirləri Ağcabədi və İmişli rayonlarında keçirilib. Beş hektar ərazidə 7 000-dən artıq müxtəlif cinsli ağac əkilib, 105 kiloqram palıd toxumu səpilib.
Meşəbərpa tədbirləri, eyni zamanda Şəki, Qəbələ, Şabran, Tovuz, Şəmkir, Göygöl, Sabirabad və Lənkəran rayonlarının meşə fondu torpaqlarında həyata keçirilib.
Son üç gün ərzində ölkə üzrə ümumilikdə 66 hektar meşə fondu ərazisində 60 000-dən çox müxtəlif cinsli ağac əkilib, 3 000 kiloqram toxum səpilib.
