“4MAPS Bilgi Teknolojileri” MMC-yə Sumqayıt Kimya Sənaye Parkının rezidentlik statusu verilib. Bu barədə 13 aprel tarixində Sumqayıt Kimya Sənaye Parkı məlumat verib.
Məlumata əsasən, “4MAPS Bilgi Teknolojileri” MMC Sumqayıt Kimya Sənaye Parkının 1,5 hektar ərazisində “Tədqiqat-inkişaf mərkəzinin təşkili, kartoqrafiya və naviqasiya xidmətləri” layihəsini həyata keçirəcək. Layihənin dəyəri 10 milyon manat təşkil edir. Qeyd olunub ki, müəssisədə 750 iş yerinin yaradılması nəzərdə tutulur.
Bununla da, Sənaye Parkının rezidentlərinin sayı 26-ya çatıb.
