Sumqayıtda ağacların qanunsuz kəsimi faktı müəyyən edilib. Bu barədə oktyabrın 27-də Dövlət Ekoloji Təhlükəsizlik Xidməti məlumat yayıb.
Fakt Səməd Vurğun küçəsi, 104 ünvanında qeydə alınıb.
Araşdırma zamanı ağacların ərazidə tikinti işləri aparan “Azərstone” MMC tərəfindən kəsildiyi məlum olub. Ümumilikdə təbiətə 26 100 manat məbləğində ziyan dəyib.
Faktla bağlı akt tərtib edilib. Məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
