Sumqayıtda doğulduğu gündən imtina edilən körpə bu gün xəstəxanada ölüb. Bu barədə 25 noyabr tarixində APA məlumat verib.
7 ay öncə Sumqayıt şəhərində doğum evlərindən birində oğlan uşağı dünyaya gətirən Aygün Kərimova öz körpəsindən imtina edib. Yeni doğulmuş oğlan uşağı doğum evindən uşaq xəstəxanasına köçürülüb. Yeddi aydan sonra, bu gün körpə xəstəxanada ölüb.
Xəstəxana körpənin meyitini təhvil verə bilmək üçün ailəni tapa bilmir.
Fakt araşdırılır.
Qeyd edək ki, körpəyə doğularkən hipoksik işemik ensefalopatiya, yenidoğulmuşlarda serebral iflic diaqnozu qoyulub.
