Sumqayıt şəhəri, BTZ bağlar massivi ərazisində yaşayan 23 yaşlı Fidan Yusubova mayın 2-də axşam saatlarında yaşadığı ünvandan çıxaraq bir daha geri qayıtmayıb. Bu barədə 6 may tarixində Report Daxili İşlər Nazirliyinə istinadən məlumat verib.
Bildirilib ki, onun boyu təxminən 1 metr 60 santimetrdir. İtkin düşən ağbəniz, yumrusifətli, sarısaçlıdır. Gözlərinin rəngi yaşıldır.
Evdən çıxarkən əynində boz rəngli gödəkçə, qara rəngli cins şalvar, ayağında qara rəngli idman ayaqqabısı olub.
“Şəkildə gördüyünüz şəxsi görənlərdən və barəsində məlumatı olanlardan DİN-in "102 - Zəng Mərkəzi”nə, həmçinin Pirallahı Rayon Polis İdarəsinə (012) 457-02-02 şəhər və (050) 670-08-06 mobil nömrələrinə zəng vuraraq məlumat vermələri xahiş olunur”, - məlumatda deyilir.
