Sumqayıtda kafedə nöqsanlar aşkarlanıb. Bu barədə 8 avqust tarixində Azərbaycan Qida Təhlükəsizliyi Agentliyi (AQTA) məlumat yayıb.
Sumqayıt şəhəri, Sahil zolağı, Sumqayıt-Novxanı yolunda yerləşən “1-ci Sumqayıt Tikinti-Quraşdırma” MMC-yə məxsus “Şərur” kafesində planlı yoxlama aparılıb.
Müəssisədə qida təhlükəsizliyi sahəsində texniki normativ hüquqi aktların tələblərinin pozulduğu məlum olub.
Kafedə sanitariya-gigiyena tələblərinə əməl edilmədiyi, işçi heyətin tibbi müayinədən keçmədiyi, həmçinin üzərində markalanması aparılmayan, mənşəyi məlum olmayan qatıq və istehlak müddəti ötmüş qazsız sular aşkarlanıb.
Nöqsanlarla bağlı inzibati protokol tərtib edilib. İş personalının üzvlərinin işdən kənarlaşdırılması, istehlaka yararsız məhsulların satışının qadağan edilməsi ilə bağlı məhdudlaşdırıcı qərar qəbul edilib, müəssisənin fəaliyyəti nəzarətə götürülüb.
[gallery link="file" columns="2" size="full" ids="124896,124895"]
