Sumqayıt Tibb Mərkəzinin nəzdində olan mərkəzi aptek 48 nəfər qazini hər ay bütün psixoaktiv preparatlarla təmin edir. Bu barədə 22 noyabr tarixində Report mərkəzə istinadən məlumat verib.
Bildirilib ki, Sumqayıt Tibb Mərkəzi 2022-ci ilin fevral ayından bu günə kimi 5 390 nəfər şəhid ailə üzvlərinə, qazilərə və müharibə iştirakçılarına tibbi xidmət göstərib.
Onlardan 1 193 nəfəri şəhid ailələrinin üzvləridir.
Məlumata görə, 2022-ci ilin fevral ayından bu günədək qazi və şəhid ailələrinin üzvləri olan 170 nəfər Sumqayıt Tibb Mərkəzində işlə təmin olunub. Onlardan 36 nəfər mühafizə xidmətçisi, 17 nəfər təcili tibbi yardım üzrə sürücü, 13 nəfər sanitar porter, digərləri isə həkim, orta və kiçik tibb işçiləridir.
