Sumqayıtda Vətən müharibəsi iştirakçısı işıq dirəyinə çıxaraq iddialar səsləndirib. Bu barədə İnsanoid bu gün, 30 dekabr tarixində Sumqayıt24-ə istinadən xəbər verir.
Sürücülük hüququ olmadan avtomobil idarə edən 34 yaşlı qazi Xəzər Abdullayev “Əşya bazarı”nın yaxınlığında əsassız və qərəzli iddialar səsləndirib.
Polis əməkdaşları ayrı-ayrı avtomobillərlə hərəkət iştirakçılarının həyat və sağlamlığına təhlükə yaratdığından qazi barəsində tədbir görüb.
Xəbərdarlıqlara məhəl qoymayan X.Abdullayev, həmçinin konstruksiyası dəyişdirilən və əlavə avadanlıqlar quraşdırılan avtomobili idarə edib.
Bu səbəbdən X.Abdullayev yenidən polis əməkdaşları tərəfindən saxlanılıb və avtomobil duracağa yerləşdirilib. Onun hərəkətlərinə cavab olaraq, polis tərəfindən zəruri adekvat tədbirlər görülüb.
Daha əvvəl də bu hərəkətlərə yol verən qazi ilə polis əməkdaşları profilaktiki söhbətlər aparıblar.
