Şuşanın Daşaltı kəndi uğrunda gedən döyüşlərdə 31 il əvvəl şəhid olan Məhərrəm Abbasovun meyitinin qalıqları Bakının Nizami rayonunun Keşlə qəsəbəsində Şəhidlər xiyabanında dəfn olunub. Bu barədə 23 avqust tarixində Report məlumat verib.
Dəfn mərasimində şəhidin ailə üzvləri, Müdafiə Nazirliyinin, rayon ictimaiyyətinin nümayəndələri, döyüş yoldaşları, rayon sakinləri, qazilər iştirak ediblər.
M.Abbasov yaylım atəşi və Dövlət Himninin sədaları altında torpağa tapşırılıb.
Qeyd edək ki, M.Abbasov Şuşa rayonunun Daşaltı kəndi ərazisində qalıqları aşkar edilmiş 7 nəfərdən biridir.
