Şuşa şəhərində tarixi xəstəxana binası olan memarlıq abidəsi bərpa olunacaq. Bu barədə İnsanoid İqtisadiyyat.az-a istinadən bu gün, 3 iyun tarixində xəbər verir.
Şuşa Şəhəri Dövlət Qoruq İdarəsi bununla bağlı hazırlıqlara başlayıb.
Şəhərin Heydər Əliyev küçəsində yerləşən 5017 inventar nömrəli memarlıq abidəsi bərpa olunaraq, Ənənəvi İncəsənət Mərkəzinin təyinatına uyğunlaşdırılması üçün layihələndiriləcək.
Lahiyələndirmə işlərini BIMD şirkəti həyata keçirəcək. Qoruqla şirkət arasında 234 820 manatlıq müqavilə bağlanıb.
Sözügedən bina XIX əsrə aid yerli əhəmiyyətli memarlıq abidəsidir. Şuşa şəhəri işğal ediləndən sonra ermənilər tərəfindən dağıntılara məruz qalıb. İşğaldan azad ediləndən sonra şəhərin bərpası ilə əlaqədar layihələndirilmə işləri görülür.
