Son bir neçə gündə Trans-Adriatik Qaz Boru Kəməri (TAP) maksimum ötürmə gücünə çatıb. Bu barədə 9 aprel tarixində TAP İtalia Twitter kanalı TAP AG konsorsiumun Baş icraçı direktoru Luka Skyeppatiyə istinadən məlumat verib.
Onun sözlərinə görə, gündəlik 33 milyon kubmetr, illik orta hesabla təqribən 12 milyard kubmetr qaz nəql edilir. Bunun da 10,5 milyard kubmetri İtaliyaya ötürülür.
Qeyd edək ki, 2021-ci ildə Azərbaycan 19,2 milyard kubmetr, o cümlədən Avropaya 8,2 milyard kubmetr qaz ixrac edib. Azərbaycan qazının TAP vasitəsilə İtaliya, Yunanıstan və Bolqarıstana tədarükü 2020-ci il dekabrın 31-dən başlayıb.
Negli ultimi giorni TAP sta andando al massimo, parliamo 33 milioni di metri cubi/giorno, una media annua di ca. 12 miliardi di metri cubi, di cui 10.5 in Italia. Luca Schieppati, Managing Director di #TAP, a #LiveInBari pic.twitter.com/h3YKOt4Jdt
— TAP Italia (@TAPItalia) April 9, 2022
