Sumqayıt Kimya Sənaye Parkının rezidenti “Glassica” QSC-nin şüşə tara məhsullarının istehsalı müəssisəsində tikinti işlərinin 90%-i tamamlanıb. Bu barədə 18 mart tarixində İqtisadiyyat Nazirliyinin rəsmi səhifəsində məlumat verilib.
Məlumata əsasən, layihəyə 12 milyon dollar investisiya yatırılacaq ki, bunun 11,5 milyon dolları artıq istifadə edilib. Zavodda 160-dan çox daimi iş yerinin yaradılması nəzərdə tutulub.
Qeyd edək ki, “Glassica” QSC-yə 2020-ci ildə Sumqayıt Kimya Sənaye Parkının rezidenti statusu verilib. Müəssisədə Almaniyanın "HORN Glass Industries AG" şirkətinin texnologiyalarından istifadə ediləcək.
