Ötən gün Bakıda Tarkanın 20 min izləyici olan konsertində texniki problemlərin olması vətəndaşların çoxsaylı narazılığına səbəb olub. Bununla bağlı gecənin PR və Media meneceri jurnalist Pərviz Hüseynli açıqlama verərək məsələyə aydınlıq gətirib.
Bu barədə 27 noyabr tarixində AZXEBER.COM xəbər yayıb.
"Şərhlər çox gəlir deyə, açıqlama verim:
Texniki rayder artistin tələbi əsasında hazırlanır. Konsertdə də artistin istədiyi sayda səs, işıq və ekran quraşdırılıb, “souncheck” vaxtı isə təhvil verilib. O andan sonra şouya aid hər şey sənətçinin komandası tərəfindən idarə olunur. Səsin desibelinin nə qədər olması, ekranlarda hansı slaydın və ya görüntünün nümayiş edilməsi təşkilatçıya aid məsələ deyil.
Təşkilatçıların işi insanları ora təhlükəsiz şəkildə keçirmək, tədbirin sonunadək mühafizə etməkdir. Zalda hər şey beynəlxalq standartlara uyğun quraşdırılmışdı. Şouya aid hissələrə görə məsuliyyət bizim üzərimizdə deyil" - deyə jurnalist bildirib.
