Tofiq Bəhramov adına Respublika Stadionunun tavanı çöküb. Bu barədə İnsanoid Qafqazinfo-ya istinadən bu gün, 13 dekabr tarixində xəbər verir.
Ötən gün Respublika stadionunda yüksəklikdən yıxılan fəhlə xəstəxanada ölüb.
Tavanın çökməsindən sonra arenanın təmirinə cavabdeh podratçı şirkət bərpa işləri aparmaq istəyib. Həmin zaman şirkətin fəhlələrindən biri yıxılaraq xəsarət alıb.
Stadionun direktoru Tələt Məmmədov tavanın çökməsi ilə bağlı məlumatı təsdiqləyib. Arena rəhbəri fəhlənin xəsarət alması ilə bağlı isə məlumatsız olduğunu bildirib:
“Bərpa işlərini podratçı şirkət apardığı üçün fəhlənin xəsarət alması ilə bağlı məlumatsızam. Arenanın tavanının çökməsi isə doğrudur. Lakin onlar tam bərpa edilmədi. Həmin hissələr kəsilib götürüldü. Sabah oyun olacağı üçün bu cür addım atıldı. “Qarabağ”ın Avropa Liqasında “Hekken”ə qarşı keçirəcəyi oyun bitdikdən sonra orada təmir-bərpa işləri davam etdiriləcək”.
Stadionun tavanından yıxılan fəhlə - 55 yaşlı Sumqayıt şəhər sakini Sulduz Şükürov xəstəxanada vəfat edib.
Faktla bağlı Nərimanov Rayon Prokurorluğunda araşdırma aparılır.
