Tovuz şəhərində sakinlər yolun asfaltlanması işinin yarımçıq qalmasından narazıdırlar. Bu barədə Xəzər Xəbər məlumat yayıb.
Problem Sovet İttifaqı Qəhrəmanı Yusif Sadıqov küçəsində yaşanır. Vətəndaşların sözlərinə görə, küçənin yalnız bir hissəsi asfaltlanıb.
Bildirilib ki, belə vəziyyət bir aydır ki, davam edir.
Məsələ ilə bağlı Tovuz Rayon İcra Hakimiyyətinə müraciət olunub. Qurumdan qeyd edilib ki, sözügedən ərazinin tam asfaltlanması növbəti illərdə yekunlaşdırılacaq.
