Tovuzda zəncirvari qəza baş verib. Bu barədə 21 iyun tarixində APA məlumat verib.
Hadisə Tovuz şəhərinin Musa Musayev küçəsində qeydə alınıb.
Məlumata görə, küçədə hərəkətdə olan minik maşınının sürücüsünün sükan arxasında səhhəti pisləşib. Bu zaman idarəetmənin itməsi nəticəsində maşın 4 avtomobilə çarpılıb.
Həmin şəxs ürək tutmasından hadisə yerində dünyasını dəyişib. Ölən şəxsin rayonun 1956-cı il təvəllüdlü Aşağı Öysüzlü kənd sakini Cəfərov Nikolay Nuru oğlu olduğu bildirilir.
Faktla bağlı araşdırma aparılır.
[gallery link="file" columns="2" size="full" ids="183398,183399"]
