Türkiyəli səyyahlar işğaldan azad edilmiş Qarabağ və Şərqi Zəngəzura səfər ediblər. Bu barədə oktyabrın 31-də APA xəbər yayıb.
Onlar aparılan yenidənqurma işləri, Xudafərin körpüsü, Horadiz-Ağbənd dəmir yolunun tikintisi ilə tanış olublar.
Qeyd edək ki, ötən bir ildə dünyanın 4 əsas beynəlxalq səyahətçilər şəbəkəsinin hər birinin rəhbərləri və tanınmış üzvləri səviyyəsində Qarabağ və Şərqi Zəngəzura ümumilikdə 4 dəfə böyük heyətlərlə səfərlər edilib. Bu səfərlərdə ümumilikdə 30-a yaxın ölkədən təxminən 200 beynəlxalq səyahətçi azad edilmiş ərazilərdəki vəhşiliklərlə, dağıntılarla, böyük bərpa və quruculuq işləri ilə yerində tanış olub.
