Bakı-Qazax magistralının Ucar rayonunun Alpı kəndindən keçən hissəsində yol qəzası baş verib, xəsarət alanlar var. Bu barədə Report 25 aprel tarixində xəbər verib.
Bakı-Tovuz xətti ilə sərnişin daşıyan Tovuz rayon sakini, 53 yaşlı Nizami Məmmədov idarə etdiyi "Mercedes Sprinter" markalı mikroavtobusu sərnişin götürmək məqsədilə yol kənarında saxlayıb.
Bu zaman Mingəçevir rayon sakini, 37 yaşlı Cəmil Məmmədovun idarə etdiyi eyni markalı mikroavtobus Nizami Məmmədovun idarə etdiyi avtomobilə çarpılıb.
Nəticədə Yevlax rayon sakini, 43 yaşlı Rəşad Həmidov və Mingəçevir rayon sakini, 58 yaşlı Ramiz Mollakişiyev müxtəlif xəsarətlərlə Ucar Mərkəzi Rayon Xəstəxanasına yerləşdiriliblər.
Faktla bağlı araşdırma aparılır.
