Bu gün, aprelin 13-də Ukraynada Rusiya hərbçilərinin girovluğundan azad edilən azərbaycanlı tələbə Hüseyn Abdullayev Azərbaycan diasporuna təhvil verilib. Bu barədə Report məlumat yayıb.
Proses Zaporojye şəhərində həyata keçirilib. H.Abdullayevin aprelin 12-də azad edilməsi planlaşdırılsa da, komendant saatına görə proses bu günə təxirə salınıb.
Xatırladaq ki, Neftçala sakini olan azərbaycanlı Ukraynada ali təhsil alırdı. Ötən ay sığınacaqdan çıxaraq avtomobillə Mariupol şəhərini tərk etmək istəyərkən Rusiya hərbçiləri tərəfindən girov götürülmüşdü.
