İzzət Cəfərqulu qızı Əliyeva 1895-ci ildə Qərbi Azərbaycanın Zəngəzur mahalının Comərdli kəndində anadan olub. O, ümummilli lider Heydər Əliyevin anası idi.
Ermənilərin Zəngəzura hücumu zamanı İzzət, demək olar ki, bütün yaxınlarını itirir. Həmin zaman o, Naxçıvana köçmək qərarına gəlir. İzzət Zəngəzuru tərk edən zaman öz qardaşı, 23 yaşlı Heydərin cəsədini yolda görür. Heydər Əliyevin bacısı Şəfiqə xanım öz kitabında yazmışdır ki, yalnız 15 il keçəndən sonra anası öz qardaşı uşaqlarını - Məsməni, Səkinəni, Rzaqulunu, Humayı və digərlərini axtarıb tapır. İzzət xanım onları öz ailəsinə qəbul edir.
10 may 1923-cü ildə Əliyevlərin ailəsində dördüncü uşaq dünyaya gəlir. İzzət onu Zəngəzurda həlak olmuş sevimli qardaşının şərəfinə Heydər adlandırır.
2000-ci ildə Heydər Əliyevin bacısı Şəfiqə Əliyeva anası İzzət xanım haqqında “Mənim anam” kitabını yazmışdır.
Axundova Elmira. Heydər Əliyev: şəxsiyyət və zaman: I hissə: 1923-1969. Bakı-2007.
