Tanımadığınız xarici nömrələrdən gələn mesajların siyahısına daha biri də əlavə olunub. Bu barədə İnsanoid bu gün, 21 iyun tarixində xəbər verir.
Son günlər telefonuna tanımadığı xarici nömrədən mesajların gəldiyini deyən şəxslərin sayı artıb.
Mesajlarda:
“Martın 1-də Azərbaycanda yeni qanun qüvvəyə mindi. Qanuna görə, uşaqlı hər bir ailəyə 500 manatdan pul verilir.
Ölkədə demoqrafik vəziyyətin yaxşılaşdırılması ilə bağlı Sosial Təminat Nazirliyinin qərarı ilə əlaqədar Azərbaycan Respublikasının Prezidenti İlham Əliyev hər bir ailəyə 500 manat məbləğində müavinətin uşaqla ödənilməsi haqqında Sərəncam imzalayıb. “Uşaqların qorunması ailə büdcəsinin artırılmasını tələb edir. Buna görə də dövlət uşağın valideynlərinin maddi təminatı üçün büdcədən 500 man məbləğində ödənişlər vasitəsilə sosial zəmanətlər verib. Bu ödənişlər birbaşa olaraq, siyasi müharibələrin dünya səhnəsində vəziyyətin yaxşılaşması ilə bağlıdır”. - Azərbaycan Respublikasının prezidenti İlham Əliyev bildirib.
Pulu elə buradan əldə edə bilərsiniz. Pul almaq proseduruna başlayın”, - deyə bildirilir.
Lakin siz linkə giriş etdikdən sonra şəxsi məlumatlarınız ələ keçirilir.
Bu da dələduzluğun bir növüdür. Hələ ki bu tip problemin qarşısının alınması üçün nə isə etmək mümkün deyil, onlardan yalnız qoruna bilərik.
