Bütün dünyaya səs salan cinayətin təfərrüatı məlum olub. Bu barədə İnsanoid yerli mediaya istinadən bu gün, 3 fevral tarixində xəbər verir.
Soyuqda üşüməsin deyə taksisinə mindirdiyi şəxsi öldürən D.A. ifadə verib.
O, ifadəsində hadisəni soyğunçuluq məqsədi ilə törətmədiyini, olayın spontan olaraq baş verdiyini söyləyib.
Xatırladaq ki, 44 yaşlı taksi sürücüsü Oğuz Erge İzmirdə iş vaxtı yolda görüb üşüməsin deyə avtomobilinə mindirdiyi şəxs tərəfindən amansızlıqla qətlə yetirilib. Qatil Oğuzu öldürdükdən sonra onun pullarını götürərək qaçıb. Hadisə anı taksiyə quraşdırılan videoqeydiyyatçıya düşüb. Onun kişini güllələdikdən sonra qulağına: “bəzi insanlara güvənmirik”, - deməsi bütün Türkiyəni yasa boğub. Cinayət Azərbaycan da daxil olmaqla bütün dünyada əks-səda doğurub, hər kəs bu məlumatı “insanlıq öldü” kimi təqdim edib.
Oğuz Erge evli idi və iki uşağı qalıb.
