Xaçmazda narkotacirlər tutulublar. Bu haqda 5 fevral tarixində Daxili İşlər Nazirliyinə (DİN) istinadən xəbər veririk.
Xaçmaz Rayon Polis Şöbəsinin əməkdaşları silsilə əməliyyatlar keçiriblər. Nəticədə narkotik vasitələri əldə etmə, saxlama, daşıma və satmaqda şübhəli bilinən rayon sakinləri Abas Abbasov, Coşqun Qədirov, Ramid Nəsrullayev, Fikrət Əliyev və Quba rayon sakini Firidun Məmmədov saxlanılıblar.
Onların üzərlərində heroin, marixuana və metamfetamin aşkar olunub.
Şöbə əməkdaşlarının keçirdikləri digər əməliyyat-axtarış tədbirləri zamanı tanışının başına küt alətlə zərbələr vuraraq ona qəsdən ağır xəsarət yetirən Ruslan Zülfüqarov saxlanılıb.
Faktlarla bağlı cinayət işi başlanılıb. Məhkəmənin qərarı ilə Abas Abbasov, Coşqun Qədirov, Firidun Məmmədov, Fikrət Əliyev və Ruslan Zülfüqarov həbs ediliblər. Digər şəxsin barəsində isə polisin nəzarəti altına vermə qətimkan tədbiri seçilib.
