Xaçmaz-Quba yolunda xəsarətlə nəticələnən yol qəzası baş verib. Bu barədə 5 noyabr tarixində Report məlumat verib.
Hadisə Xaçmaz-Quba magistral yolunun 12-ci km-də qeydə alınıb.
Belə ki, traktor hərəkətdə olarkən "Qazel" markalı yük avtomobilinə çarpılıb. Daha sonra traktorun sürücüsü hadisə yerindən yayınarkən hərəkətdə olan “Mercedes" markalı nəqliyyat vasitəsi ilə toqquşub. Qəza nəticəsində Xaçmaz rayon sakinləri, 1989-cu il təvəllüdlü Qeybullayeva Ülviyyə Bəhruz qızı və 1964-cü il təvəllüdlü Cavadova Sevda Talıb qızı müxtəlif dərəcəli xəsarətlər alıblar.
Yaralılar xəstəxanaya çatdırılıblar.
Şahidlərin sözlərinə görə, hadisəyə səbəb traktorun sürücüsünün ötmə əməliyyatını düzgün yerinə yetirməməsi olub.
Faktla bağlı araşdırma aparılır.
