Xırdalanda bağça müəlliminə töhmət verilib. Bu barədə İnsanoid Oxu.az-a istinadən bu gün, 7 iyun tarixində xəbər verir.
Abşeron-Xızı Regional Təhsil İdarəsindən bildirilib ki, Xırdalan şəhəri 17 nömrəli Körpələr Evi-Uşaq Bağçasının keçmiş müdiri Fəranə Məhərrəmova vəzifəsindən azad edilib.
Sosial şəbəkələrdə yayılmış məlum səs yazısı ilə əlaqədar "Təhsilverənlərin etik davranış Qaydaları"nın tələblərini pozduğu üçün adıçəkilən şəxsə Azərbaycan Respublikasının Əmək Məcəlləsinə əsasən, "sonuncu xəbərdarlıqla şiddətli töhmət" verilib.
Eləcə də Xırdalan 17 nömrəli Körpələr Evi-Uşaq Bağçasının fəaliyyəti Abşeron-Xızı Regional Təhsil İdarəsi tərəfindən nəzarətə götürülüb.
Bir neçə gün əvvəl Xırdalan şəhəri 17 nömrəli Körpələr Evi-Uşaq Bağçasının müdiri Fəranə Məhərrəmovanın sosial şəbəkələrdə səs yazısı yayılmışdı. O, səs yazısında valideynlərdən "fond pulu" tələb etmişdi.
