Azərbaycan karateçisi Veronika Qaşnikova Xorvatiyanın Samobor şəhərində keçirilən Qran Pridə ilk qızıl medalı qazanıb. Bu haqda martın 19-da Milli Karate Federasiyası məlumat yayıb.
İdmançı 47 kiloqram çəki dərəcəsində çıxış edir. O, 14-15 yaşlı yeniyetmələr arasında yarışda Xorvatiya, İsveç, İtaliya və Macarıstandan olan rəqiblərini məğlub edib.
Digər idmançılarımız mübarizəni şənbə və bazar günləri davam etdirəcək. Yarışa 33 ölkədən 1 769 idmançı qatılıb.
