Ombudsman sosial şəbəkələrdə yeniyetmə qızların evliliyə cəlb olunması və hamilə qalması ilə bağlı yayılan xəbərlərə münasibət bildirib. Bu haqda APA-ya aprelin 11-də qurumun rəsmisi Nigar Ağayeva deyib.
Bildirilib ki, Gəncə şəhər və Ağdaş rayon sakini olan 16 yaşlı qızların ana olmaları haqda yayılan məlumat nəzarətə götürülüb və aidiyyəti qurumlara müraciət edilib. Həmçinin ailə üzvləri ilə əlaqə saxlanılıb, onların səhhəti, təhsili və hüquqlarının təmini vəziyyəti öyrənilib, maarifləndirici söhbət aparılıb.
“Hər iki məsələnin araşdırılması və həmin şəxslərin hüquqlarının təmin olunması istiqamətində müvafiq tədbirlərin görülməsi məqsədilə zəruri addımlar atılacaq" - deyə məlumatda vurğulanıb.
