Azərbaycanda icra hakimiyyəti başçısının səlahiyyətləri artırılıb. Bu barədə oktyabrın 27-də Prezident Fərman imzalayıb.
Fərmana əsasən, icra başçılarının:
- yaşayış məntəqələrində küçə və meydanlara ad vermək və onların adlarını dəyişdirmək,
- ünvan reyestrinə daxil edilmiş ünvan rekvizitləri hesab olunan nəqliyyat infrastrukturu obyektlərinin adlarını və daşınmaz əmlak obyektlərinin nömrələrini əks etdirən ünvan lövhələrini hazırlamaq və yerləşdirmək,
- mövcud ünvan lövhələrinin qorunub saxlanılmasına nəzarət etmək və daşınmaz əmlak obyektlərində yerləşdirilmiş ünvan lövhələrinin mövcudluğunu müəyyənləşdirmək məqsədilə mütəmadi monitorinq keçirmək,
- ünvan lövhələrinin məhv edilməsi və ya zədələnməsi hallarını aşkar etdikdə bu barədə aidiyyəti üzrə məlumat vermək səlahiyyəti olacaq.
